Meteo: Serramanna | 27.62 °C

Penzamentus de Santu Sidoru

di admin Letto 884 volte0

di Su Cantadori

Penzamentus de Santu Sidoru

E bravus is Serramannesus,

eis biu ita ‘olli nai a fai

is cosas prus mannas dogni’ annu?

Is palleris a forza ‘olli fai,

a milli personas ‘onai a pappai?

Su gioghittu s’est furriau

E ocannu s’est scoppiau.

 

Su doxi de maiu sa festa mia fiat

e una farrancada de genti

m’adi fatu cumpangia.

Sceti candu est di` bella

e ciambellas s’offerint a pappai

benei su zaccamanu a mi fai.

E ca seu Santu passenziosu e gei s’apu perdonau…

 

Po fintzas is goccius in cussa manera

fiant cosa de cantai?

Feminas e ominis

obreris e praidis

a totu boxi ddu su depiant acclamai

ca fueddus nodius

sa genti antiga m’iat destinai.

 

E no fadeas cun mei che Santu Danieli

accabau che statua arrimada in su museu

de totus s’erenzia scabudau e scaresciu.

No mi lasseas coberri de pruini e de nappa

un’orta a s’annu sighei a su soli a mi nci bogai

e coloris e fragu de ramadura a m’arregallai.

 

Sa festa a mei mi praxit

una di`a s’annu de mei si depei arregodai

cun allegria e devozioni mi depei affestai

ca sa bidda in custa circustanzia agat unidadi.

Non c’est santu de parrocchia,

c’est Santu Sidoru, messaiu miraculosu

de grazias dispensadori e de ‘osatrus,

Serramannesus travessus, santu intercessori.

Commenta via Facebook

Lascia un Commento

Il tuo indirizzo email non verrà pubblicato